Сүүлийн 24 цагийн хугацаанд 533 хүнд коронавирус илрэв. Ингэснээр манай улсын нийт батлагдсан тохиолдол 49175  боллоо. Шинээр батлагдсан тохиолдлын 490 нь Улаанбаатар хотод, 37 нь орон нутагт байна. Түүнчлэн эрүүл мэндийн зургаан ажилтан халдвар аваад байна. Ингэснээр нийт 143 эмч, эмнэлгийн ажилтан халдвар аваад байгаа юм. 

Мөн сүүлийн 24 цагийн хугацаанд 1065 хүн эдгэрлээ. Ингэснээр нийт эдгэрсэн хүний тоо 41844 болж байна. Коронавирусийн халдварын улмаас долоон хүн нас барлаа. Ингэснээр халдварын улмаас нийт нас барсан хүний тоо 214 болж байна.  

Нас барсан иргэдийн хувьд: 

• 56 настай эмэгтэй дөрөвдүгээр сарын 3-нд онош батлагдсан
• 51 настай дөрөвдүгээр сарын 13-нд онош батлагдсан 
• 79 настай эрэгтэй дөрөвдүгээр сарын 19-нд онош батлагдсан
• 63 настай эмэгтэй тавдугаар сарын 3-нд онош батлагдсан 
• 61 настай эрэгтэй дөрөвдүгээр сарын 27-нд онош батлагдсан Төв аймагт эмчлэгдэж байсан 
• 57 настай тавдугаар сарын 10-нд онош батлагдсан Төв аймагт эмчлэгдэж байсан. 

Орон нутаг өнгөрсөн хоногт 37 тохиолдол батлагдсан. 

• Төв аймагт 25
• Орхон аймагт 1
• Архангай 2
• Говь-Алтай 2
• Өвөрхангай 4
• Завхан 2
• Ховдод 1. 

Харин 1065 хүн сүүлийн 24 цагт эмнэлгээс гарснаар нийт 41 844 хүн эдгэрчээ. Одоогоор коронавируст халдвартай нийт 4087 хүн хэвтэн эмчлүүлж байгаагаас 115 хүний биеийн байдал маш хүнд байна. Эмчлүүлж буй хүмүүсийн 494 нь хүнд, 1378 нь хүндэвтэр, 2100 нь хөнгөн гэж оношдогджээ.

---