Зүүн өмнөд Азийн Камбож улсад коронавирусийн халдварын тархалт харьцангуй намжмал байсан боловч хоёрдугаар сараас хойш нэмэгдээд байгаа. Тус улсад одоогоор 20,000 гаруй хүн халдвар авч, 140 орчим иргэн коронавирусийн улмаас нас баржээ.

Засгийн газар тархалтыг зогсоохын тулд нийслэл Пном Пен хотод гурван долоо хоногийн хугацаанд хатуу хөл хорионы дэглэм тогтоож, цэргийн хүчин хөл хориог мөрдүүлэхээр хамгаалалтад гарсан байна. Тархалт өндөр байгаа улаан бүсэд 150,000 гаруй иргэн хүнсний хомсдолд орж, өлсгөлөнд нэрвэгдэх дээрээ тулсныг хүний эрхийг байгууллагууд анхааруулжээ. Тэдгээр иргэдийг эрүүл мэндийн шалтгаанаас бусад тохиолдол гэрээсээ гарахыг хориглосон байна.

Human Rights Watch байгууллага хүнс, эм, бусад шаардлагатай зүйлсээ авч чадалгүй гэртээ хоригдож байгаа иргэдэд хүмүүнлэгийн хямрал нүүрлэснийг анхааруулжээ. Тэдгээр хямралд өртсөн иргэдийн нэг 65 настай Бофа Мунг эхнэр, дөрвөн хүүхэд, хоёр ач зээгийн хамт 25 метр кв хэмжээтэй гэртээ хоригдсон байна. Тэднийх хамгийн сүүлд сарын өмнө буюу дөрөвдүгээр сарын 12-ны өдөр хүнс авчээ. Гэрийнх нь эргэн тойронд хамгаалалт тавьж, улаан бүсэд орсон тул гэрээсээ гарч чадахгүй байгаа ажээ. Хөршүүд нь тэдэнд таван кг будаагаар тусалсны ачаар өлсөж үхэлгүй өдий хүрсэн хэмээн ярьжээ.

Эх сурвалж: The Guardian

---