Нийслэлийн төр, захиргааны байгууллагуудын ажлын цагийн хуваарьт зохицуулалт хийх тухай Нийслэлийн Засаг даргын захирамж гарчээ.

Захирамжаар авто замын ачааллыг бууруулах зорилгоор Нийслэлийн төр, захиргааны байгууллагын ажил эхлэх, тарах цагийн хуваарьт өөрчлөлт оруулсан байна. Тодруулбал, ирэх даваа гараг буюу 5 дугаар сарын 17-ноос 8 дугаар сарын 31-н хүртэл Улаанбаатар хотын төр, захиргааны байгууллагын ажил 08:00 цагт эхэлж, 17:00 цагт тарах аж.

Энэ цагийн хуваарийг нийслэл, дүүргийн ИТХ-ын ажлын алба, нийслэл, дүүрэг, хорооны ЗДТГ, Улаанбаатар хотын Захирагчийн ажлын алба, харьяа газар, Нийслэлийн Засаг даргын хэрэгжүүлэгч агентлаг болон орон нутгийн өмчит үйлдвэрийн газрууд мөрдөх юм.

---