Японы мэргэжлийн сумо бөхийн зуны нацу башёгийн дөрөв дэх өдрийн барилдааныг шууд дамжуулан үзүүлж байна.
Гурван өдрийн дараах байдлаар дээд зиндаанд Озеки Тэрүнофүжи Г.Ган-Эрдэнэ тэргүүтэй долоон бөх нэг ч унаагүйгээр башёг тэргүүлж байна. Харин бусад гурван озеки цолтон бүгд өвдөг шороодсон ба Озеки Асанояама хоёр ч унаад байна. Нацу башёгийн гурав дахь өдрийн барилдааны тоймыг ЭНД дарж үзнэ үү.
Өнөөдөр /тавдугаар сарын 12-ны өдөр/ буюу башёгийн дөрөв дэх өдөр дээд зиндаанд барилдах манай бөхчүүдийн оноолтын мэдээлэл.
- Маэгашира 11 Чиёошома Г.Мөнхсайхан /1-2/ - Маэгашира 12 Котоеко /2-1/
- Маэгашира 10 Тамаваши Б.Мөнх-Оргил /3-0/ - Маэгашира 11 Котоновака /1-2/
- Маэгашира 6 Ичиножо А.Ичинноров /2-1/ - Маэгашира 5 Оношо /3-0/
- Маэгашира 5 Хошорюү С.Бямбасүрэн /1-2/ - Маэгашира 4 Кирибаяама Б.Лхагвасүрэн /0-3/
- Озеки Тэрүнофүжи Г.Ган-Эрдэнэ /3-0/ - Комүсүби Митакеуми /3-0/
Манай бөхчүүд болох Хошорюү С.Бямбасүрэн болон Кирибаяама Б.Лхагвасүрэн нар өнөөдөр хоёр дахь удаагаа хоорондоо учраа тааран барилдана. Энэ оны хацу башёд анх удаа учраа таарахад Хошорюү С.Бямбасүрэн давж байлаа. Мөн түүнчлэн өнөөдөр башёг нэг ч унаагүйгээр тэргүүлж буй Озеки Тэрүнофүжи Г.Ган-Эрдэнэ болон Комүсүби Митакеуми нар хоорондоо учраа таарчээ. Хоёр бөхийн хувьд өмнө нь 12 удаа учраа таарахад найман удаад нь Озеки Тэрүнофүжи Г.Ган-Эрдэнэ даваад байгаа юм.
