Японы мэргэжлийн сумо бөхийн зуны нацу башёгийн гурав дахь өдрийн барилдааныг шууд дамжуулж байна.
Башёгийн хоёр дахь өдөр буюу өчигдрийн барилдаанд Озеки Тэрүнофүжи Г.Ган-Эрдэнээс бусад гурван озеки цолтон бүгд өвдөг шороодлоо. Хоёр өдрийн дараах байдлаар дээд зиндаанд есөн бөх нэг ч унаагүйгээр башёг тэргүүлж байгаагийн дотор Озеки Тэрүнофүжи Г.Ган-Эрдэнэ, Ичиножо А.Ичинноров, Тамаваши Б.Мөнх-Оргил нарын манай гурван бөх тэргүүлж байна. Нацу башёгийн хоёр дахь өдрийн барилдааны тоймыг ЭНД дарж үзнэ үү.
Өнөөдөр /тавдугаар сарын 11-ний өдөр/ дээд зиндаанд барилдаж буй манай бөхчүүдийн оноолтын мэдээлэл.
- Маэгашира 11 Чиёошома Г.Мөнхсайхан /1-1/ - Маэгашира 11 Котоновака /0-2/
- Маэгашира 10 Тамаваши Б.Мөнх-Оргил /2-0/ - Маэгашира 8 Эндо /2-0/
- Маэгашира 6 Ичиножо А.Ичинноров /2-0/ - Маэгашира 8 Цуругишо /0-2/
- Маэгашира 5 Хошорюү С.Бямбасүрэн /1-1/ - Маэгашира 5 Оношо /2-0/
- Маэгашира 4 Кирибаяама Б.Лхагвасүрэн /0-2/ - Секиваке Таканошо /1-1/
- Озеки Тэрүнофүжи Г.Ган-Эрдэнэ /2-0/ - Маэгашира 2 Тобизару /1-1/
Өнөөдөр Озеки Тэрүнофүжи Г.Ган-Эрдэнэ маэгаширагийн хоёроос барилдаж буй Тобизарутай барилдах ба хоёр бөхийн хувьд өнгөрсөн оны Кюушү башёд анх удаа учраа таарахад Тэрүнофүжи давж байлаа.
