АНУ-ын Айдоха мужийн Ригби дунд сургуулийн зургадугаар ангийн охин сургууль дээрээ гар буу авчирж, гал нээсэн байна. 11 настай охин ангийнхаа хоёр сурагч, сургуулийн нэг ажилтныг буудаж шархдуулжээ.

Бууны суманд өртсөн хохирогчдын амь нас аврагдана гэж мэдээлсэн байна. Ангийн багш нь охиноос гар бууг нь салган авч, цагдаа нарыг ирэх хүртэл хорьж саатуулсан байжээ.

Охин чухам яагаад анги дээрээ гар буу авчирж, бусад руу гал нээсэн шалтгаан тодорхойгүй. Цагдаа нарын хэлснээр охин үүргэвчнээсээ гэнэт буу гаргаж ирэн сургууль дотор болон гадна хэд хэдэн удаа гал нээсэн байна. Хэргийн мөрдлөгт Холбооны мөрдөх товчоо нэгджээ.

Эх сурвалж: ВВС

---