Твиттерийн зүгээс хэрэглэгчдэдээ хандан хэн нэгэнд хариулт өгөхдөө бусдыг гомдоох, хор хөнөөл болох, дайрч довтолсон үг бичихээсээ өмнө дахин бодож, нягтлахыг сануулахаар болжээ.

Дэлхийн нийтийг хэрсэн уг сошиал платформ нь хэрэглэгчийн зан авир бусдад хор хөнөөл учруулж байна гэсэн шүүмжлэлтэй тулгарсаар ирсэн юм. Уг шүүмжлэлийн дагуу өнгөрсөн жил явуулсан туршилтаар багасгах арга олжээ. Туршилтаар сануулга өгсний дараа бусад руу дайрч довтолсон шинж чанартай хариултууд эрс буюу 10 гаруй хувиар буурсан байна. Үүнтэй зэрэгцээд пост оруулсан хэрэглэгчид ч мөн дайрч доромжилсон хариулт хүлээж авах нь буурчээ.

Твиттер компанийн лхагва гарагт мэдэгдсэнээр Apple болон Android үйлдлийн системтэй гар утсан дээр Твиттер ашигладаг хэрэглэгчдэд автоматаар англи хэл дээр сануулга илгээж эхлэх юм байна. Цаашлаад тухайн хэрэглэгчийн төрөлх хэл дээр сануулга илгээх тухай яригдаж байгаа ажээ.

Өнгөрсөн жилийн эхний хагаст тус компани бусдад халдсан шинж чанартай 1,9 сая хаягийг илрүүлж, 925,700 хаягийг Твиттерийн дүрэм зөрчсөн хэргээр хаасан байна.

Эх сурвалж: ВВС

---