Дэлхийн хамгийн аюулгүй улс орнуудын нэг Шведэд таван долоо хоногийн дотор зургаан эмэгтэй бусдын гарт амь насаа алджээ. Энэ нь хүйсийн тэгш бус харьцаан дээр суурилсан гэр бүлийн хүчирхийлэл нэмэгдсэнийг харуулж байна.

Дээрх золгүй тохиолдлууд гурван мужид, гурван өөр насны ангилалд хамаарагдаж байгаа ажээ. Харамсалтай нь тэдгээр эмэгтэйчүүдийг бүгдийг нь ойр дотно харилцаатай эрэгтэй хамтрагчид нь хороосон хэрэгт сэжиглэгдэн баригджээ. Нэг эмэгтэйг өдрийн цагаар хотын төвд хороосон бол өөр нэг эмэгтэйг галт тэрэгний буудал дээр хороосон байна.

Эдгээр үйлдэл Шведийн охид эмэгтэйчүүдийн дунд хүчирхийлэл нэмэгдсэнийг илтгэж айдас түгшүүр ихэсчээ. 2020 оны судалгаагаар тус улсад дотно харилцаатай хүндээ хүчирхийлүүлсэн, зодуулсан 14,461 тохиолдол гарсан байна. Энэ нь 2019 оныхоос 15 хувиар өссөн үзүүлэлт юм.

Хүний эрхийг хамгаалагчид дээрх халдлагууд цар тахлын үеийн нөхцөл байдалтай холбоотой гэж үзэж байна. Хэдийгээр хөл хориог албан ёсоор тавихаас эрх баригчид зайлсхийж байгаа ч эмэгтэйчүүд халдвараас сэргийлэхийн тулд ихэнх цагаа гэртээ өнгөрүүлэхээс өөр аргагүй болж байгаа юм.

Эх сурвалж: ВВС

---