Нийтэлсэн:   Д.Төв

3 жилийн өмнө

УИХ-ын гишүүн Н.Алтанхуягийн өнөөдөр Сонгуулийн ерөнхий хороо /СЕХ/-нд гаргасан авир олон хүнийг эвэртэй туулай үзсэн мэт сэртхийхэд хүргэлээ. Тэрээр, 

-Бид материалаа өгөх гээд ирчихсэн байхад та нар юу хийж яваа юм?! Ч.Өнөрбаяр аа, чамайг Монголын ард түмэн нэг өдөр дүүжилнэ шүү. Чи Ц.Элбэгдоржийн хуулийн зөвлөх байхдаа хонгилын шүүх байгуулалцаж, өчнөөн олон хүнийг хэлмэгдүүлж, монголын төрөөр тоглосон. Одоо үргэлжлүүлэн С.Эрдэнэ гэдэг хүнийг дагаад, АН-ыг хувааж, ардчиллыг булшлах гээд явж байгаад чинь залуу хүний чинь хувьд харамсаж байна. Өнөөдөр тамганы асуудал шийдвэрлэх гээд байгаа шүүгч нар чинь чиний үед томилогдсон шүүгч нар байна билээ. Хэрэг бол хуучрахгүй шүү Ч.Өнөрбаяр аа, би чамд хэлчихье хэмээн хэлсэн юм. 

Үүнийг зарим хүн "Н.Алтанхуяг СЕХ-нд танхайрлаа" хэмээн үзэж байна. 

Ерөнхийлөгчийн сонгуульд оролцох нэр дэвшигчид өнөөдөр СЕХ-нд баримт материалаа хүргүүлэх хуулийн хугацаатай өдөр. Харин одоогийн Ерөнхийлөгч Х.Баттулгын талын буюу Н.Алтанхуяг тэргүүтэй АН-ын гишүүд өөрсдийн намын дотоод асуудлаа шийдвэрлэж чадаагүйгээс үүссэн маргаанаа СЕХ-ны удирдлагуудад гаргаж,  “агсам” тавилаа.

УИХ-ын гишүүн Н.Алтанхуяг, СЕХ-ны дарга П.Дэлгэрнарангийн “Дээд шүүхийн бүртгэлийг үндэслэн тус намын нэр дэвшигчийн материалыг хүлээж авах боломжгүй” гэж хариулсанд өширхөж, эрээ цээргүй үг хэллэг хэрэглэлээ. АН-ын гишүүд СЕХ-ны дотоод ажилд шууд оролцож, Дээд шүүхэд бүртгэлгүй даргатай АН-ын нэр дэвшигчийг бүртгэж авахыг тулгаж, СЕХ-ны удирдлагуудыг дарамталлаа.

Ардчилсан сонгуулийн өнгөрсөн 30 жилийн түүхэнд өнөөдрийнх шиг СЕХ-ны дарга болон гишүүдийг шууд хуралдахыг шаардаж, олон нийтийн өмнө ил цагаан загнаж, материалаа хүлээж авахыг тулгаж байсан тохиолдол гарч байгаагүй. Хууль бус аргаар сонгуульд оролцох гэж ийнхүү улайрч байсан тохиолдол гарч байсангүй.

АН-аас нэр дэвшихээр улайрч байсан Х.Баттулга Цэцэд нөлөөлөхөөр уулзалт хийж, нөлөөлөхийг оролдож байсан. Харин өнөөдөр АН-ынхан Н.Алтанхуягийг Ерөнхийлөгчийн сонгуульд нэр дэвшигчээр  хүчээр бүртгүүлэхээр УИХ-ын гишүүн, УИХ дахь АН-ын бүлгийн дарга Д.Ганбат, УИХ-ын гишүүн Н.Алтанхуяг, Ж.Батсуурь нар гишүүний бүрэн эрх ярьж, СЕХ-ны даргыг сүрдүүлж, бүртгэхгүй бол олон нийтийг тэмцэлд уриалж босно гэх утга бүхий мэдээлэл хийлээ. Бүх ард түмний эв нэгдлийг хангах Ерөнхийлөгчийн сонгуульд нэр дэвшиж байгаа хүн ийм бусармаг юм яриад сууж болох уу хэмээн иргэд ярьж байна. 

Сурталчилгаа