АНУ-д азиудын эсрэг хүчирхийлэл, гэмт хэрэг нэмэгдсэнтэй холбоотойгоор биеэ хамгаалах зорилгоор азиуд галт зэвсэг худалдаж авах нь нэмэгджээ. Тэдний ихэнх нь анх удаа галт зэвсэг худалдаж авч байна. Гэвч энэ нь арьс өнгөөр ялгаварлан гадуурхах үзэл, азиудын эсрэг хүчирхийллийг бууруулах оновчтой шийдэл биш гэж ажиглагчид дүгнэжээ.

Галт зэвсэг гартаа барих нь биеэ хамгаалах арга гэдэгтэй хүний эрхийг хамгаалагчид санаа нийлэхгүй байна. Гэсэн ч зарим төрийн бус байгууллагууд азиудад туслахын тулд галт зэвсэг сонгон худалдаж авсан бол тэдэнд хэрхэн ашиглах заавар зөвлөмжийг өгөх нь зүйтэй гэж үзэх болжээ.

Өнгөрсөн ням гарагт л гэхэд Манхэттэн дүүрэгт алхаж байсан өсвөр насны болон 50 гаруй насны хоёр ази эмэгтэй рүү алхтай этгээд дайрч биед нь халдсан тохиолдол гарсан байна. Миссуригийн Ази гаралтай америк залуучуудын холбооны Ерөнхийлөгч Кэролина Фэн өөрийн холбоогоор дамжуулан цагаачлан ирсэн азиудад галт зэвсгийг аюулгүй хэрэглэх сургалт дамжаа явуулахыг эрмэлзэж байна.

Азиуд галт зэвсэг хэрэглэх нь нэмэгдэж байгаа энэ үед аюулгүй байдлаа хамгаалах заавар зөвлөмжийг өгөхгүй бол өөрийгөө гэмтээж бэртээх тохиолдол ч мөн нэмэгдэж байгаа ажээ. Тухайлбал Майк Сон гэгч ази гаралтай иргэн 15 настай хүү Этанаа галт зэвсэг хэрэглэж сураагүйгээс болж алджээ. Этан галт зэвсгээр өөрийгөө буудаж хороосон байна.

Эх сурвалж: CNN

---