Дэлхийн технологийн аварга "Samsung Electronics Co." компанийн Орлогч захирал И Жэ Ён талийгаач аавынхаа хувьцааг өвлөн авсныхаа дараа Өмнөд Солонгосын хамгийн баян хувьцаа эзэмшигчээр тодорчээ.

Түүний ээж болон хоёр охин дүү нь хоёроос дөрөвдүгээр байрт дараалан жагссан байна. Харин тус улсын мессенжерийн шилдэг оператор болох "Kakao Corp"-ыг үүсгэн байгуулагч, тэргүүн Ким Бом Су тавдугаар байр болж хойшилжээ.

И Жэ Ёны нэр дээрх хувьцааны үнэ өнгөрөгч баасан гарагийн байдлаар 15.62 их наяд вон болсон аж. Энэ нь БНСУ-ын 60 томоохон гэр бүлийн конгломерат компанийн 90 гэр бүлийн гишүүний эзэмшдэг хувьцаануудын дундаас хамгийн өндөр хэмжээ юм. И Жэ Ён өнгөрсөн гуравдугаар сарын сүүлчээр "Samsung Electronics Co." корпорацын хамгийн том хувьцаа эзэмшигч "Life Insurance Co." компанийн хувьцааны 10 орчим хувийг өвлөж авахын хажуугаар "Samsung" группийн бусад хэд хэдэн нэгжийн хувьцааг өөрийн болгосон билээ.

Үүнээс өмнө тус группийн Ерөнхийлөгч агсан И Кун Хи сүүлийн 10 жилийн хугацаанд Өмнөд Солонгосын хамгийн баян хувьцаа эзэмшигчийн байр сууриа хадгалсаар ирсэн юм.

Эх сурвалж: Yonhap News Agency

---