Хөвсгөл аймгийн Тосонцэнгэл сумын Тээл багийн нутгаар урсах Сэлэнгэ мөрөнг 4 дүгээр сарын 21-нд завиар гаталж явсан 10 хүн осолдож, 7 нь живсэн. Амиа алдсан 7 хүний 3-ынх нь цогцсыг одоо болтол олоогүй байна.

Хөвсгөл, Орхон, Булган, аймгийн Онцгой байдлын газар, Тосонцэнгэл, Рашаант, Их-Уул сумын ЗДТГ, иргэд нийлэн, Хөвсгөл аймгийн Шинэ-Идэр сумын харьяат 50 настай, эрэгтэй, Рашаант сумын харьяат 32 настай, эмэгтэй, нийслэлийн Хан-Уул дүүргийн харьяат 8 настай охины цогцсыг машин, завь, морь, дрон ашиглан, явганаар хүртэл эрэн хайх ажиллагаа зохион байгуулсан ч үр дүнд хүрсэнгүй. Тиймээс ар гэрийнхэнтэй нь зөвшилцөж, эрлийн ажиллагааг өнөөдрөөс зогсоожээ.   

---