БНХАУ сансар судлалын салбар дахь байр сууриа бататгахын тулд байнгын станцтай болохоор төлөвлөсөн. Тус станцын гол их биеийн эд анги болох Тиань Хэ модулийг хөөргөжээ.

Венчангийн сансрын буудлаас Лонг Марч-5Б пуужингаар хөөргөсөн их биед багийн гишүүдийн байрлах газар багтаж байгаа юм. Хятадын Засгийн газар байнгын сансрын судалгааны станцаа 2022 онд ашиглалтанд оруулахаар төлөвлөсөн.

Одоогоор дэлхийн тойрог замд Олон улсын сансар судлалын станц байнгын үйл ажиллагаа явуулж байгаа цорын ганц сансар судлалын станц юм. Уг станц 2024 онд үйл ажиллагаагаа зогсоохоор төлөвлөсөн билээ.

БНХАУ өмнө нь туршилтаар Тиангонг-1, Тиангонг-2 сансрын станцуудыг дэлхийн тойрог замд хөөргөсөн. Харин диваажингийн ордон нэртэй, ирэх ажил сансрын судалгааны багийг хүлээж авах Тиангонг сансар судлалын станц багадаа 10 жил дэлхийн тойрог замд аялахаар төлөвлөж байна. Үүнээс өмнө Хятадын Засгийн газар дахин 10 гаруй модулийг хөөргөхөөр төлөвлөөд байна.

Эх сурвалж: ВВС

---