АНУ-ын Ерөнхийлөгч асан Барак Обамагийн Цагаан ордон дахь ахлах зөвлөх байсан этгээд сургуулиудаар дамжуулан их хэжээний мөнгө хулгайлж, сангийн мөнгийг угаах гэж оролдсон хэрэгт буруутгагдан мягмар гарагт баривчлагджээ.

Сэт Эндрю гэгчийг АНУ-ын Нью-Йоркийн өмнөд дүүргийн прокурорын газраас залилан хийсэн, мөнгө угаасан, орон сууцны бага хүүтэй зээл авахын тулд банканд худал мэдүүлэг өгсөн хэргүүдэд буруутгаж байна. Уг этгээд нь Нью-Йорк хотод сургуулиудын байрыг түрээслэх сүлжээг 2005 онд анх санаачилжээ. 2013 онд АНУ-ын Боловсролын газарт ажиллах болсон тул уг бизнесээ орхисон байна. 2016 оны Ерөнхийлөгчийн сонгууль хүртэл буюу Барак Обамаг төрийн тэргүүн байх хугацаанд Цагаан ордны Боловсролын технологийн газрын ахлах зөвлөхөөр ажиллажээ.

Түүнийг өмнөх байр сууриа ашиглан 2019 оны гурваас наймдугаар сарын хооронд 218,000 ам.доллар хулгайлсан гэж үзэж байна.

Эх сурвалж: CNN

---