Хөвсгөл аймгийн Тосонцэнгэл сумын Тээл багийн “Тэгш булан” гэдэг газар Сэлэнгэ мөрөнд долоон хүн осолдсон харамсалтай хэрэг энэ сарын 21-нд гарсан.

Ослын голомтод ажиллаж байгаа эрэн хайх багийнхан 22-ны пүрэв гарагт усанд осолдсон гурван иргэний цогцсыг олж гарган, цагдаагийн байгууллагад хүлээлгэн өгсөн юм.

Тэгвэл өчигдөр өдөр 14:12 цагт осолдсон газраас зүүн урагш 53 км-т “Цацын булан” гүүрний доод талаас Улаанбаатарын хотын Хан-Уул дүүргийн харъяат иргэн У 38 настай, эмэгтэйн цогцсыг олж, холбогдох байгууллагад хүлээлгэн өгчээ.

Эрэн хайх ажиллагаа үргэлжилж байна гэж Онцгой байдлын ерөнхий газраас мэдээллээ. 

---