Өмнөд Солонгост оршин суудаг таван монгол иргэн өнгөрсөн сард гудамжинд бүлэглэн зодоон хийсэн бөгөөд тэдний хэргийг прокурорын байгууллагад шилжүүлсэн болохыг орон нутгийн цагдаа нар энэ сарын 22-ны өдөр мэдээлжээ.

Хэргийг тодруулбал, Монгол Улсын таван иргэн өнгөрөгч 3 дугаар сарын 7-ны өдрийн 20:40 цагийн орчимд Сөүл хотын Улжиро сага метроны буудлын ойролцоо бүлэглэн зодолдсон байна. Тухайн үед тэд бүгдээрээ согтууруулах ундаа хэрэглэсэн байжээ. 

Цагдаагийн газраас өгсөн мэдээллээр 20-иод насны "А" нарын хоёр хүн, "Б" нарын гурван хүнтэй маргалдан, улмаар зодоон эхэлсэн байна. Энэ үеэр "Б" нь "А"-гийн автомашиныг өшиглөсөн бөгөөд машины урд талын шил хагарсан аж. Сөүлийн цагдаагийн газраас эдгээр таван иргэнийг эд хөрөнгийн хохирол учруулж, бүлэглэн танхайрсан хэргээр ялласан байна.

Түүнчлэн тус таван хүний нэг нь хууль бус оршин суугч болох нь тогтоогдсон бөгөөд албаныхан түүнийг Сөүлийн Янгчон дүүргийн Цагаачлалын албанд хүлээлгэн өгчээ.

Холбогдох цагдаагийн байгууллагын төлөөлөгч "Хоёр тал хоорондоо тохиролцсон. Гэхдээ тэднийг Хүчирхийллийн тухай хуулийн дагуу яллан, хэргийг прокурорт шилжүүлсэн" хэмээн тэмдэглэжээ.

Эх сурвалж: edaily.co.kr

---