Бразил улсын өмнөд нутгийн Энкантадод Хамгаалагч христ нэртэй христийн цоо шинэ хөшөө сүндэрлэж байна. Уг хөшөө Рио де Жанейро дахь алдарт Аврагч христийн хөшөөнөөс ч өндөр буюу 43 метр бөгөөд дэлхий дээрх гурав дахь өндөр христийн хөшөө болох юм. Риогийн Аврагч христ 38 метр өндөр ажээ.

Хамгаалагч христийн хөшөө барих ажил 2019 онд эхэлсэн ба өнгөрсөн амралтын өдөр хөшөөний толгой, дэлгэсэн гарыг хийж дууссан байна. 350,000 ам.долларын өртөгтэй уг төслийг санаачилсан Энкантадо хотын захиргааны улс төрч Адроалдо Конзатти энэ жилийн гуравдугаар сард коронавирусийн улмаас нас баржээ. Хөшөөний ажлыг энэ жилд багтааж дуусгахаар зохион байгуулагчид төлөвлөж байна. Хөшөөний барилгыг барьж дуусгахын тулд хувь хүн, компаниудаас хандив цуглуулж байгаа юм.

Индонезийн Сулавесид байдаг 52,55 метр Есүс Бунту Бураке хөшөө дэлхийн хамгийн өндөр Есүс Христийн хөшөө юм. Үүний дараа Польш улсын Свиебодзинд байдаг Хаан христ 52,5 метрийн өндөртэйгээр хоёрдугаарт ордог байна.

Эх сурвалж: ВВС

---