ЭМЯ-ны харьяа Геронтологийн үндэсний төвийнхөн өнөөдрөөс эхлэн ахмад настнуудыг коронавирусийн эсрэг вакцинд хамруулах ажлыг хийж эхэлжээ.

Энэ талаарх мэдээллийг Геронтологийн үндэсний төвийн их эмч М.Энхбаяраас тодруулахад

“Манай төвийнхөн өнөөдрөөс эхлэн Улаанбаатар их дэлгүүрийн хажууд байрлах Ерөнхий боловсролын 11 дүгээр сургуулийн байранд ахмад настнуудыг коронавирусийн эсрэг вакцинд хамруулах ажлыг хийж эхэллээ. Вакцинжуулалтад 50-аас дээш насны бүх хүмүүсийг ямар нэгэн хаяг байршил шаардахгүйгээр өглөөний 09:00-17:00 цагийн хооронд хамруулж байгаа. Нэг зүйлийг онцолж хэлэхэд бид зөвхөн вакцинд хамрагдаж амжаагүй байгаа хүмүүст эхний тунг хийж байгааг хэлмээр байна. БНХАУ-ын “Синофарм “үйлдвэрийн “Веросел” вакциныг хийж байгаа” гэв.

 

---