Коронавирусийн халдварын батлагдсан 66 тохиолдол сүүлийн 24 цагийн хугацаанд орон нутагт бүртгэгджээ. Үүнээс хамгийн олон буюу 14 тохиолдол нь Архангай аймагт, Төв аймагт 11, Говьсүмбэр аймагт 10, Сэлэнгэ аймагт 7, Хэнтий аймагт 5 тохиолдол шинээр бүртгэгдсэн байна.

Ингэснээр Архангай аймагт коронавирусийн батлагдсан тохиолдлын тоо 179, Төв аймагт 388, Сэлэнгэ аймагт 312, Өвөрхангай аймагт 167, Орхон аймагт 186, Дархан-Уул аймагт 194, Ховд аймагт 116, Сүхбаатар аймагт 67 тохиолдол бүртгэгдээд байна.

Орон нутагт коронавирусийн халдварын тоо тасралтгүй өсөн нэмэгдэж байгаа тул иргэд та бүхэн халдвар хамгааллын дэглэмээ чанд мөрдөж, өөрсдийгөө болон эргэн тойрныхоо хүмүүсийг коронавирусийн халдвараас хамгаалахыг уриалж байна.

---