АНУ-ын Аризона мужийн Финикс хотын ойролцоо Тонто үндэсний цэцэрлэгт хүрээлэнд хууль бус үдэшлэг зохион байгуулжээ. Уг үдэшлэгт 5,000 гаруй зочин уригдсан бөгөөд олон тооны зөрчил, үймээн самуун гарч, нэг хүн яаралтай түргэн тусламжийн машинаар эмнэлэгт хүргэгдсэн байна.

АНУ-ын ой хамгаалах газрын Facebook хуудсанд бичсэнээр ойн хамгаалагчид олон мянган хүн нэг дор хууль бусаар цугласан байсныг хяналт шалгалтын үеэр илрүүлсэн гэжээ. Эмх замбараагүй үдэшлэгийн үеэр тээврийн хэрэгслийн долоон осол бүртгэгдсэн ба моторт тээврийн хэрэгслүүд хулгайд алдагдсан байна. Уг нь дээд тал нь 75 хүнийг нэр дор цуглаж, ойд буудаллахыг зөвшөөрдөг ажээ.

Тонто үндэсний цэцэрлэгт хүрээлэн нь АНУ-д хэмжээгээрээ долдугаарт ордог ба 2,9 сая акр талбайг эзэлдэг байна.

Эх сурвалж: CNN

---