Египет улсын эртний хаадын занданшуулсан шарилыг бямба гарагт зөөвөрлөж, илүү өндөр технологиор хамгаалсан шинэ байгууламжид хадгалахаар болсон байна.

Занданшуулсан шарилыг нийслэл Каир хотын гудамжаар ёслол хүндэтгэлтэйгээр авч явжээ. Занданшуулсан шарилуудыг ёслолын жагсаалаар зөөвөрлөх ажлыг Египетийн Аялал жуулчлал, эртний эд өлгийн яам зохион байгуулсан байна. Агуу Рамзес болон бусад 21 хаад хатдын занданшуулсан шарил "Фараоны алтан жагсаал" -д оролцжээ.

Түүхийн үнэт өв соёлыг харуулсан сүрлэг жагсаал Тахрирын талбайн ойролцоох музейгээс Аль Фустат дахь Египетийн үндэсний музей хүртэл үргэлжилсэн байна.

Тус улсын Ерөнхийлөгч Абдэль Фаттах эл Сисси "энэ бол Египетийн ард түмний соёл иргэншил, түүхийн гайхамшигт нотолгоо бөгөөд бүх ард түмэн, цаашлаад дэлхийн нийт уг үйл явдалд анхаарах нь зүйтэй" хэмээн Твиттертээ жиргэжээ.

Жагсаалд оролцсон тээврийн хэрэгслүүдийг эртний араб бичгээр чимэглэж армийнхан хамгаалж, 21 удаа ёслолын буудлага хийсэн байна.

Эх сурвалж: CNN

---