Шинэ Мексико мужийн иргэн машиныхаа цонхыг онгорхой үлдээгээд дэлгүүр ороод ирэхэд нь 15,000 зөгий цонхоор нь орж ирсэн байжээ. Эрэгтэйн хэлснээр дэлгүүр ороод ердөө 10 минут л болсон байна.

Дэлгүүрээс гарч ирсэн даруйдаа ч олон мянган зөгий арын суудалд нь зорчигч болсныг анзаараагүй байна. Машинаа хөдөлгөсний дараа ард талаа хартал аварга том зөгийн овоохой үүссэн байжээ. Энэ тохиолдолд юу хийхээ мэдэхгүй байсан тул 911 лүү залгасан байна.

Гал сөнөөгчид ирж, эрэгтэйн машинд цугларсан зөгийнүүдийг хоосон хайрцагт хийхэд нь тусалжээ. Зөгийнүүд хатан зөгийгөө дагаж, шинэ үүр хайж овоорсон гэж таамаглаж байна. Зөгийнүүд харьцангуй тайван байсан бөгөөд нэг эрэгтэй уруул дээрээ хазуулснаас бусдаар гэмтэл бэртэл аваагүй ажээ.

Эх сурвалж: The Guardian

---