ОБЕГ-ын Олон нийттэй харилцах төвийн дарга, дэд хурандаа Б.Дуламсүрэн УОК-оос гаргасан шинэчилсэн журмыг танилцууллаа. 

Б.Дуламсүрэн: 

-Энэ сарын 3-18-ны хооронд үйлчилгээний байгууллагууд болох баар, ресторан, лоунж, саун, бялдаржуулах төв, амралт сувиллын үйл ажиллагааг зогсоолоо. Захууд 20 цаг хүртэл ажиллана. Нэг цэгээс бусад төрийн болон хувийн байгууллагуудыг таваас дээш хүнтэй ажиллахыг хориглосон. 

Гадаад улсаас ирсэн иргэдийн тусгаарлах хоногийн долоо хоног болгон буурууллаа. Энэхүү журам өнөөдрөөс хэрэгжинэ. Одоо тусгаарлагдаж байгаа иргэд өмнөх журам буюу арав хоног тусгаарлагдана. 

Улаанбаатар хотоос зөвхөн УОК-ын шийдвэрээр буян ажил, эрүүл мэнд, хүнс, шатахуун, эм, эмнэлгийн хэрэгслийн ачаа тээвэр, уул уурхайн ажилчдыг гаргана. Харин Нийслэл хот руу "ногоон бүс"-ээс асуумж бөглүүлж нэвтрүүлнэ. Харин "улаан бүс"-ээс ирсэн иргэдийг зөвхөн түргэвчилсэн оношлуурын шинжилгээний бичгээр оруулна. Учир нь зарим аймгуудад ПСР лаборатори байхгүй байгаа. Өмнөговь, Дорноговь аймаг руу зорчих автомашинд аймгийн ОК-ын зөвшөөрлийг үндэслэн, УОК зөвшөөрөл олгоно. 

Нийслэлийн ойр орчмын Багануур, Багахангай болон бусад дүүргийн иргэд иргэний үнэмлэх, ажлын байрны тодорхойлолтын хамтаар нэвтрэхээр тус тус өөрчлөгдлөө.

---