АНУ-ын Пфайзер болон ХБНГУ-ын БиоНТек фирмүүдийн хамтран гаргасан коронавирусийн эсрэг вакциныг сургуулийн насны хүүхдүүдэд туршсан байна. Туршилтын үр дүн сайн гарсан тул АНУ-ын эрх баригчдад хандан сургуулийн насны хүүхдүүдийг вакцинжуулахад ашиглах зөвшөөрөл хүсээд байна.

Пфайзер/БиоНТек фирмүүд 12-15 насны 2,260 хүүхдийг туршилтад хамруулжээ. Туршилтын үр дүнд тус вакцин энэ насны хүүхдүүдэд тэсвэртэй, халдвараас хамгаалах хувь өндөр, үр дүн сайтай байгааг харуулжээ. Тиймээс өсвөр насны хүүхдүүдийг дархлаажуулалтад хамруулахад яаралтай зөвшөөрөл олгох хүсэлт тавьсан байна. Өсвөр насны хүүхдүүдийг вакцинжуулснаар ирэх хичээлийн шинэ жилд хүүхдүүд танхимаар хичээллэх боломжтой болно гэжээ. Одоогоор АНУ-д 16 болон түүнээс дээш насныхан вакцинд хамрагдахыг зөвшөөрөөд байгаа юм.

Эх сурвалж: The Guardian

---