АНУ-ын Калифорни мужийн Орэнж хотын оффисын барилгад ширүүн буудалцаан болж дөрвөн хүн амь насаа алдлаа. Амь насаа алдсан хохирогчдын дунд нэг хүүхэд байгаа бөгөөд гэмтэж бэртсэн тав дахь хохирогчийг эмнэлэгт хүргэсэн байна.

Гэмт этгээд цагдаа нартай буудалцах үеэрээ шархдан, биеийн байдал нь хүнд эмнэлэгт хүргэгджээ. Хоёр давхар албан байгууллагад зэвсэгт халдлага гарсан тухай дуудлага лхагва гарагийн шөнө 17:30 минутад цагдаагийн газарт ирсэн байна. Сэжигтэн болон хохирогчдын талаар дэлгэрэнгүй мэдээллийг өгөөгүй.

1997 оноос хойш Орэнж хотод ийм төрлийн зэвсэгт халдлага гараагүй гэж мэдээлэв. Калифорни мужийн захирагч Гэвин Ньюсом халдлагын хохирогчид болон тэдний ар гэрийнхэнд гүн эмгэнэл илэрхийлжээ.

Эх сурвалж: CNN

---