Хорватын шумбагч Будимир Буда Шобат усан доор 24 минут 33 секундийн турш амьсгаагаа түгжин, өөрийн хувийн дээд амжилтаа эвдээд зогсолгүй Гиннесийн шинэ дээд амжилтыг тогтоожээ.

54 настай Шобат энэ сард Хорватын Сисак хотын усан бассейнд энэхүү оролдлогоо үйлдэн, шинэ дээд амжилт тогтоож чадсан байна. Тэрээр өмнө нь 2018 онд 24 минут 11 секундийн турш амьсгаагаа түгжиж байжээ. Гиннесийн номын өмнөх дээд амжилт нь 11 минут 35 секунд гэж бүртгэгдсэн байсан юм.

Шобат өөрийн охин Сасагийнхаа төлөө дэлхийн дээд амжилтыг албан ёсоор тогтоохыг үнэхээр их хүсэж байснаа тэмдэглэжээ. Түүний охин Саса нь одоо 20 настай бөгөөд тархины саа, аутизм, татаж унах өвчинтэй аж.

Мөн энэхүү оролдлогынхоо үеэр Шобат 2020 оны арванхоёрдугаар сард Сисак хотод болсон газар хөдлөлтийн дараах сэргээн босголтын ажилд зориулж хандивын мөнгө босгосон байна.

Эх сурвалж: UPI

---