КОВИД-19-ийн халдвар аваад тусгаарлах байранд эмчлүүлж эдгэрч гарсан иргэдийг долоо хоног гэрээр ажиглахыг цуцлах шийдвэрийг Засгийн газар гаргалаа.

• Гэрээр долоо хоног тусгаарлагдах иргэдэд гарын авлага гэрийн эмчилгээний багц /эм, халууны шил, витамин, гар ариутгагч зэрэг/ хүргэх
• Гадаадаас ирэх иргэдийн тусгаарлалтыг долоо хоног болгох, ингэхдээ 3, 5 дахь өдөр нь ПСР-ын шинжилгээ авч сөрөг гарсан тохиолдолд гаргах, гэрээр ажиглахыг болих 
• Орон гэргүй, асрамж шаардлагатай иргэд, хорих ангид хүмүүжигч, түр саатуулах байранд саатуулагдсан иргэдийг дархлаажуулалтад хамруулахаар болжээ.

Мөн тавдугаар сарын сарын 01-ний өдрөөс өмнө нийслэлийн нэг сая иргэнийг дархлаажуулах, дөрөвдүгээр сарын 05-ны өдрөөс орон нутгийн зорилтот бүлгийг /эмч, эмнэлгийн ажилтан, цагдаа, онцгой, хил гаалийн ажилтан, албан хаагчид/ дархлаажуулахаар төлөвлөж байна. Долоодугаар сарын 01-ний өдөр гэхэд орон нутгийн иргэдийг дархлаажуулж дуусгах аж.

---