Ардчилсан намын даргын сонгууль өнөөдөр 20:00 цагт өндөрлөв. Ардчилсан намын Дотоод сонгуулийн хорооны дарга И.Мөнхжаргал сонгуулийн явцын талаар ноцтой мэдээлэл өглөө. 
Эх баригч нам энэ сонгуулийг явуулахгүйн төлөө  ажиллаж байна. 
Санал авч байгаа байруудын саналын хайрцгийг булааж авч байгаа тохиолдол гарч байна.

Тухайлбал, СХД-ийн Москва хорооллын санал авах байр руу  40 залуу, СБД-ийн 2 дугаар сургуулийн санал авах байр руу 20 залуу, БЗД-ийн санал авах байр руу 30 хөлсний залууг явуулсан байсан. Эх сурвалжийн хэлж буйгаар С.Эрдэнэ даргын хүмүүс ийм үйлдэл гаргаж байгаа гэсэн мэдээлэл ирсэн. Үнэхээр харамсалтай энэ увайгүй үйлдлээ зогсоохыг шаардаж байна. Иймд Ардчилсан намын гишүүд саналаа өгсөн газрынхаа санал авах байр, саналаа хамгаалах зүй ёсны шаардлага тулгарч байна. 

---