АН-ын даргын сонгуулийн сурталчилгаа гуравдугаар сарын 26-ны өдөр албан ёсоор дууссан. Коронавируст цар тахал хурдацтай нэмэгдэж байгаа тул зарим аймгуудад улаан түвшний түгшүүр зарлаж, хатуу хөл хориог энэ сарын 28-ны өдрөөс хэрэгжүүлэхээр болсон билээ.

Тиймээс АН-ын Дотоод сонгуулийн хороо урьдчилсан санал хураалтыг эхлүүлсэн байна. Өнөөдөр 12:00-22:00 цагийн хооронд Архангай, Баянхонгор, Булган, Дархан-Уул, Дорноговь, Өвөрхангай, Завхан, Увс, Төв, Хөвсгөл, Хэнтий зэрэг хатуу хөл хорихоор болсон аймгуудад урьдчилсан санал хураалтыг явуулж байна. Маргааш буюу 28-ны өдөр бусад аймаг, дүүргүүдэд санал хураалт хэвийн явагдаж, санал хураалт бүрэн дууссаны дараа санал тоолох ажил нэгэн зэрэг эхэлнэ гэдгийг мэдэгдлээ.  

---