Зүүн хойд Азийн аюулгүй байдлын гол сэдэв болсон БНАСАУ долоо хоногийн хугацаанд хоёр ч удаа пуужин харвалаа. Эдгээр хоёр туршилтын нэг нь баллистик пуужингийн туршилт байсан ба энэ нь НҮБ-ын тогтоолыг зөрчсөн үйлдэл юм.

Бид Умард Солонгос, Солонгосын хойгийн асуудлаар ОУХ-ны судлаач Д.Отгонбаатартай ярилцлаа. Тэрээр Умард Солонгосын гадаад харилцаа болон дотоод нөхцөл байдлын талаар өгүүлсэн юм. Дашрамд дурдахад БНАСАУ, Монгол улсууд харилцан нэгнийхээ тусгаар тогтнолыг тэргүүн эгнээнд хүлээн зөвшөөрсөн, найрсаг дотно харилцаатай улс орнууд юм.

---