Их Британийн хатан хаан Элизабетийн ууган зээ охин Зара Тиндалл ням гарагийн орой гэртээ, тодруулбал угаалгын өрөөндөө амаржиж бяцхан хүү төрүүлжээ. Хатан хааны гэр бүл бяцхан гучаар бүл нэмсэн баярт мэдээг дуулгасан байна.

Зара Тиндаллын нөхөр Майк Тиндалл лхагва гарагт Английн регби спортын талаар подкастад ярилцлага өгөх үеэрээ энэ тухай ярьжээ. Хатан хааны бяцхан гуч ням гарагийн орой 18 цагийн үед баруун өмнөд Английн Глуцестершир дэх гэрийнхээ угаалгын өрөөний шалан дээр маш богино хугацааны дотор мэндэлсэн байна. Эх баригч хатагтай Тиндаллыг эмнэлэгт яаралтай очих ёстой гэдгийг зөвлөөд удалгүй буюу хэдхэн секундын дотор хүүхдийн толгой цухуйчихсан байна.

Зара Тиндалл нь хоёрдугаар Элизабет хатны хоёр дахь хүүхэд Анне гүнжийн охин юм. Мөн ханхүү Уильям, Харри нарын хамгийн ойрын үеэл ажээ. Шинээр мэндэлсэн ханхүүг Лукас Филип гэж нэрлэсэн бөгөөд хатан хааны 10 дахь гуч, титэм залгамжлах 22 дахь үе болж байна.

Хатан хаан болон ханхүү Филип нар бүл нэмсэндээ тун баяртай байгаагаа илэрхийлжээ. Эх хүү хоёрын бие сайн байгаа гэнэ.

Эх сурвалж: CNN

---