Улсын Онцгой комиссын дарга, Шадар сайд С.Амарсайхан орон нутаг дахь мэргэжлийн хяналтын байгууллагуудтай өнөөдөр /2021.03.23/ цахимаар уулзсан талаар бид мэдээлсэн.

Тэрбээр Булган аймгийн Могод суманд хурдан морины уралдаан нууцаар зохион байгуулсан асуудлаар аймгийн мэргэжлийн хяналтын газар ямар хяналт тавьсан талаар тайлбар сонслоо.
Энэ талаар аймгийн Мэргэжлийн хяналтын байгууллагын мэдээлснээр аймгийн Засаг даргын захирамжийг зөрчиж, үсэргээ зохион байгуулсан байна. Энэ асуудлаар аймгийн Онцгой комисс хуралдаж, холбогдох хүмүүст хариуцлага тооцжээ.

Тус аймгийн Засаг даргын шийдвэрээр хоёрдугаар сарын 1-нээс тавдугаар сарын 1-н хүртэл ямар нэгэн уралдаан, тэмцээн зохион байгуулахыг хориглосон ч уг шийдвэрийг зөрчсөн байна. Хурдан морины уралдаанд нууцаар оролцсон асуудалтай холбогдуулан ойрын хавьлын 18 хүнээс хоёр удаагийн PCR шинжилгээ авчээ. Одоогоор шинжилгээний хариу сөрөг гарсан байна.

Мөн, дам хавьтал болох 61 хүний шинжилгээг өнөөдөр авчээ. Өвөрхангай аймгийн “Сэмжит Хужирт” амралт сувиллын газарт 18 хүн амарсан бөгөөд таван хүний шинжилгээ сөрөг гарсан байна. Одоогоор бусад 13 хүний шинжилгээг гараагүй байгаа аж. Архангай болон Булган аймгийн мэргэжлийн хяналтын байгууллагаас нийслэлд 22-ын товчоогоор гарч буй иргэдэд тавих хяналтаа чангаруулахыг Шадар сайд С.Амарсайханд үүрэг болгожээ.

---