Твиттер цахим сүлжээг үүсгэн байгуулагч Жэк Дорси анхны жиргээгээ дуудлагаар худалдсан байна. Малайзын бизнес эрхлэгч эрхэм түүний анхны жиргээг 2,9 сая ам.доллараар худалдаж авчээ. Дорси уг мөнгөө хандивлахаар болсон байна.

Тэрээр 2006 оны гуравдугаар сарын 21-ний өдөр “just setting up my twttr” буюу твиттерээ дөнгөж зохион бүтээж дууслаа гэсэн өгүүлбэрийг жиргэж байжээ.

Энэ жиргээг худалдаж авсан Bridge Oracle технологийн фирмийн гүйцэтгэх захирал Сина Эстави Дорсигийн анхны жиргээг тодорхой хугацааны дараа Мона Лизагийн хөрөг зураг шиг үнэ цэнэтэй болно хэмээн ярьжээ.

Твиттерийн анхны жиргээ NFT буюу үл нэвтрэх токен блокчэйн дижитал технологиор хамгаалагдсан байна. Хэдийгээр Дорсигийн анхны жиргээ зарагдсан боловч Твиттерт олон нийтэд нээлттэй харагдсан хэвээр үлдэх юм байна.

Эх сурвалж: ВВС

---