Лондоны Стэмфорд Хиллд жирэмсэн эмэгтэйн толгойд дэрний уут углаж, гэдэс рүү нь цохиж, зодсон 50 орчим насны эрэгтэйг баривчлан саатуулжээ. Зүүн Лондоны цагдаагийн газарт саатуулагдсан эрэгтэй нь бие давхар эмэгтэйн толгой, гэдэс рүү удаа дараа цохисноос эмэгтэй бэртэл авсан байна.

28 долоо хоногтой жирэмсэн, 20 орчим насны эмэгтэйг эмнэлэгт хүргэсэн ажээ. Лондоны цагдаа нар хэргийг мөрдөн шалгаж, 50 орчим насны сэжигтэй этгээд хохирогч руу чухам ямар шалтгаанаар халдсаныг тогтоохоор ажиллаж байна.  

Уг хэрэг өнгөрсөн долоо хоногийн пүрэв гарагийн орой гарсан бөгөөд хяналтын камерт бичигдсэн байсныг олон нийтийн сүлжээнд тараажээ. Сэжигтэн хар өнгийн малгайтай хүрэм, бараан өнгийн өмдтэй байсан байна. Эмэгтэйг зодсоныхоо дараа хэргийн газраас зугтаасан  боловч цагдаа нар бичлэгийн дагуу эрэн суравжилж гэмт этгээдийг илрүүлжээ.

Эх сурвалж: The Guardian

---