УИХ-ын гишүүн С.Одонтуяа, Б.Пүрэвдорж, Н.Ганибал нар Г.Батхүү агсны хэргийг хэрэгсэхгүй болгон хаах гэж байгааг эсэргүүцэж байгаагаа илэрхийллээ. Хэрэг гараад хоёр жил болж байгаа ч мөрдөн шалгах ажиллагаа явагдахгүй байна гэж тэд үзэж байна. 

УИХ-ын гишүүн С.Одонтуяа: 

-Г.Батхүү агсан 2019 оны тавдугаар сарын долоонд амь насаа алдсан. Хэрэг гараад хоёр жил болж байгаа ч мөрдөн шалгах ажиллагааг "нууц" хэмээн учир битүүлэг байдлаар шалгаж байна. Иймд бид хариуцлагатайгаар мөрдөн шалгаач хэмээн шаардаж байна. Г.Батхүү агсны ар гэрийнхэнд 13сек-н бичлэгийг өгсөн залуу гэртээ учир битүүлгээр нас барсан гэсэн мэдээлэл ирсэн байна. Энэ талаар хууль хяналтын байгууллагынхан үгүйсгэсэн юм уу, нотолсон зүйлийг одоо болтол яриагүй байна. 

Хэргийг НПГ-аас хааж магадгүй байна. Үүнийг ар гэрийнхэн нь ч зөвшөөрөхгүй байгаа. 

УИХ-ын гишүүн Б.Пүрэвдорж:

-Унасан газраас нь өөр газар хөхрөлт үүссэн. Гар утасны мэдээлэл устсан. Ийм олон ноцтой баримтыг хэрэгсэхгүйгээр хэргийг хаах гэж байгааг бид эсэргүүцэж байна. 

---