Цэнхэр дурдан алчуураа

Цэцэг навчаар гоёлоо доо

Цээжний янагаа санахад аа

Цэргийн хороо илхэн дээ

Үе үеийн дуучдын хоолойн цар шалгасан “Амрагийн дуу”-г мэдэхгүй хүн үгүй. 1943 оноос хойш дуулагдсан энэ дууг БНМАУ-ын гавьяат жүжигчин Л.Цэрэнпил 60 жил дуулсан бол түүний охин ЦДБЭЧ-ын гоцлол дуучин, МУКонсорватурын дуулах ур зүйн багш, хүндэт профессор, МУГЖ Ч.Туул 50 жил, бага охин ЦДБЭЧ-ын гоцлол дуучин, МУКонсорватурын дуулах ур зүйн багш, хүндэт профессор, МУГЖ Ч.Баярмаагийн 20 гаруй жил дуулж байгаа юм. БНМАУ-ын гавьяат жүжигчин Л.Цэрэнпил гавьяатын охид Зэвсэгт хүчний 100 жилийн ойн баярын зочдоор уригдаад байна. 

МУГЖ Ч.Туул “Амрагийн дуу”-гүйгээр Ардын армийг төсөөлж болохгүй. Энэ дууны онцлог нь мэргэжлийн өндөр түвшинд бичигдсэн байдаг хэмээн уг дуутай холбоотой дурсамжаа хуваалцлаа.

БНМАУ-ын гавьяат жүжигчин Л.Цэрэнпил агсны охин МУГЖ Ч.Баярмаагийн хувьд хар багаасаа ээж, эгч хоёроо дагасан тэрбээр Цэргийн дуу, бүжгийн эрдмийн чуулгын дуучин болохоор шийджээ. Түүний хувьд ээж, эгч хоёр нь гавьяат дуучин учраас өөрөө гавьяат дуучин болно гэж горьдож байгаагүй хэмээн сэтгэгдлээ хуваалцлаа.

---