Танзани улсын Ерөнхийлөгч Жон Магуфули 61 насандаа таалал төгссөн тухай дэд Ерөнхийлөгч Самиа Сулуху Хассан мэдэгджээ. Төрийн тэргүүн агсан өнгөрсөн хоёр долоо хоногийн турш олон нийтийн өмнө харагдаагүй тул түүний үхлийг тойрсон цуу яриа ихээр гарчээ.

Сөрөг хүчний улстөрчид түүнийг өнгөрсөн долоо хоногт Ковид-19-ийн халдвар авсан гэж мэдээлсэн боловч албан ёсны эх сурвалжаар батлаагүй юм. Дэд Ерөнхийлөгч Сулуху Хассан Ерөнхийлөгчийг Дар эс Салам хотын эмнэлэгт зүрхний өвчнөөр лхагва гарагт нас барсан гэж мэдээлжээ.

Ерөнхийлөгч агсан Магуфули коронавируст үл итгэгчдийн нэг байсан бөгөөд вирустэй тэмцэхэд мөргөл, ургамлын гаралтай уурын эмчилгээ хийхийг уриалдаг байсан юм.

Ерөнхийлөгч таалал төгссөн тул улс орон даяар 14 хоногийн турш гашуудал зарлаж, төрийн далбааг хагас бөхийлгөжээ. Танзани улсын Үндсэн хуулийн дагуу дэд Ерөнхийлөгч хатагтай Хассан Ерөнхийлөгчид томилогдож тангараг өргөж өмнөх төрийн тэргүүний таван жил үүрэг гүйцэтгэх ёстой хугацаанд улс орныг удирдах юм байна.

Эх сурвалж: ВВС

---