Өмнөд Солонгосын Үндэсний батлан ​​хамгаалах яам ба Цагдаагийн ерөнхий газраас дахин боловсруулсан өнгөгүй хуванцар саваар хийсэн 12 мянган ширхэг дүрэмт хувцас худалдан авчээ.

Энэхүү худалдааны гэрээг тус улсын Байгаль орчны яам, Үндэсний батлан ​​хамгаалах яам, Үндэсний цагдаагийн газар болон Солонгосын нэхмэлийн үйлдвэрлэлийн холбоо хамтран байгуулсан бөгөөд талууд энэ сарын 15-нд гэрээнд гарын үсэг зуржээ. 

Цэрэг, цагдаагийн алба хаагчдын өмсөх хувцас хэрэглэл нь өвөл, зуных, ажлын хувцас, энгийн дүрэмт хувцас зэрэг хэд хэдэн төрлөөр хийгдсэн аж. Батлан ​​хамгаалах яам өмд, цамцнаас бүрдсэн 10 мянган дүрэмт хувцас авахаар болсон бол Үндэсний цагдаагийн газраас 2,000 дүрэмт хувцас худалдаж авахаар болжээ. Энэхүү дүрэмт хувцасны тус бүрийн үнэ нь 35,000 вон ба түүнээс доош аж.

БНСУ-ын Байгаль орчны сайд Хан Жонг Аэ "Энэ бол Засгийн газар болон орон нутгийн компаниуд нүүрстөрөгчийн давхар ислийг саармагжуулах ажлын хүрээнд хэрхэн хамтран ажиллаж болохыг харуулсан үлгэр жишээ юм. Манай яам нь дахин боловсруулалтын илүү сайн дадалтай ногоон нийгмийг бий болгохын тулд бусад үндэсний байгууллагуудтай хамтран ажиллах болно" хэмээн мэдэгджээ.

Сонирхуулахад, уг дүрэмт хувцасны нэг богино ханцуйтай цамцыг хийхэд ойролцоогоор 12 ширхэг 500 миллилитрийн хуванцар сав эсвэл 2 литрийн таван сав хэрэгтэй бол урт ханцуйтай цамц хийхэд 32 ширхэг 500 миллилитрийн хуванцар сав шаардлагатай байдаг байна.

Эх сурвалж: The Korea Times

---