"Одоо байгаа болон өмнө нь Ерөнхийлөгч байсан хүмүүс Ерөнхийлөгчийн сонгуульд дахин нэр дэвших эрхгүй" гэх агуулга бүхий гомдлыг УИХ-ын гишүүн Т.Доржханд, ХҮН-ын хуульч Д.Үүрцайх, хуульч, доктор О.Мөнхсайхан нар ҮХЦ-д хандан гаргасан талаар бид өмнө нь мэдээлсэн. 

Уг хүсэлтийг Цэц хүлээн аваад, эхэндээ ҮХЦ-ийн гишүүн Д.Солонгод хуваарилан, улмаар ҮХЦ-ийн дунд суудлын хуралдааныг зарлаад байсан юм. Гэвч энэ маргаан удахгүй ҮХЦ-ийн гишүүн Ш.Цогтоод хуваарилагджээ. Үүнийг хуульч Д.Үүрцайх "Монгол улсын Ерөнхийлөгч ҮХЦ-ээр айчлаад байсны хэрэг эхнээсээ гарч байна" хэмээн үзэж байгаагаа илэрхийлээд, ҮХЦ-ийн гишүүн Ш.Цогтоогоос татгалзах хүсэлтээ өчигдөр хүргүүлжээ.

Тэрээр энэ талаараа "Цэцийн дарга Н.Чинбат МоАХ-ны Ш.Цогтоогоор шийдүүлэхээр хуваарилсан тул Ш.Цогтоогоос татгалзах хүсэлтээ хүргүүллээ" хэмээн жиргэжээ. 

---