Үйл ажиллагаа эхлээд 11 жил болж байгаа DelbaX монгол арьсан түрийвчний үйлдвэрээр бид зочиллоо. Монголд арьсан бүтээгдэхүүнийг хямд үнэтэй, чанартайгаар зах зээлд нийлүүлэх гэж хичээж, зүтгэж байгаа гэр бүлийн үйлдвэрлэл эрхлэгч хөл хорионы хүнд үед 4 ажилтнаа цомхотгохоос өөр аргагүй байдалд оржээ.

Зээл тусламж авч байгаагүй өнөөг хүртэл өөрсдийн чадлаараа бизнесээ явуулж байгаа бөгөөд хэрэглэгч бол үндэсний үйлдвэрлэл хөгжих гол хүчин зүйл гэж боддогоо хэлж байсан юм. Тус брэндийг үүсгэн байгуулагч Д.Батжаргалтай ярилцлаа.

---