Индонезийн Жава арлын сурагчид болон тэдний эцэг эхчүүдийг тээвэрлэж явсан автобус өнгөрөгч лхагва гарагийн шөнө жалганд унаж, 27 хүн амиа алдсан гэж тус улсын Тээврийн яам мэдээлжээ.

Албаныхны мэдээлснээр автобусанд дунд сургуулийн сурагчид болон зарим эцэг эх сууж явсан бөгөөд тэд сургуулийн аяллаас эргэн ирж байжээ. Тэдний 39 нь амьд үлдсэн байна.

Баруун Ява мужийн Сумеданг хотын ойролцоох газарт осолдохын өмнөхөн автобусны жолооч жолоодлогоо алдсан гэж Индонезийн Эрэн хайх, аврах агентлаг өчигдөр хийсэн мэдэгдэлдээ дурджээ. Аврагчид одоо хэргийн газар дээр ажиллаж дууссан бөгөөд амьд үлдсэн хүмүүсийг ойролцоох эмнэлэгт хүргэсэн байна.

Одоогоор ослын шалтгаан албан ёсоор тогтоогдоогүй байгаа хэдий ч тус автобус нь замын хөдөлгөөнд оролцох шаардлага хангалтын шалгалтаа хугацаандаа өгөөгүй байсан гэх урьдчилсан мэдээлэл байгааг эрх баригчид онцолсон юм.

Эх сурвалж: CNN

---