Улс хоорондын шуудан илгээмжийн гаа­лийн газар (УХШИГГ)-ын даргаар ажил­лаж байсан Б.Мягмарыг одоогоос хоёр жи­лийн өмнө буюу 2019 оны есдүгээр сард хууль са­хиулагчид шалгаж эхэлсэн билээ.

Түү­­нийг олон улсын ачаа тээвэр зуучийн компа­нийнх­наас хахууль ав­сан, эрх мэдлээ урвуулсан үн­дэс­лэлээр хэрэг нээн шалгасан юм.

Тодруулбал, УХШИГГ-ын дарга Б.Мяг­ма­рыг Монгол, АНУ-ын хооронд тээвэр зуу­чийн үйл ажиллагаа явуулдаг “Гэрэлт хүрэх оргил” ХХК-ийн захирал А.Хашбалаас удаа да­раа хахууль авсан хэрэгт буруутгасан бө­гөөд АТГ-ын Мөр­дөн шалгах хэлтсийнхний шал­галтаар энэ бү­хэн нь тодорхой болсон аж.

Эх сурвалжуудын мэ­дээлснээр “Гэрэлт хү­рэх оргил” ХХК-ийн за­хирал А.Хашбалтай дээрх газрын дарга Б.Мяг­мар найзыгаа гэрээ хийл­гэжээ. Улмаар найз У.Энхболдынхоо дан­саар нь хувь хүртдэг бо­лохыг мөрдөгчид тог­тоосон байна. Б.Мягмар дээрх газрын дар­гаар ажиллаж байхдаа гаалийн байцаагч нартаа “Гэрэлт хүрэх оргил” ХХК-ийн ачааг хурдан шалгаад саадгүй нэвтрүүл” гэ­сэн үүрэг, чиглэл өгч, үүнийхээ шагналд най­­­зынхаа дан­саар багагүй хэмжээний мөнгө ав­­­сан нь бат­лагдсан гэнэ.

Тиймээс НПГ-аас Б.Мяг­­­март Эрүүгийн хуулийн 22.4-4 дэх хэсэгт заа­­сан “Нийтийн албан тушаалтан хахууль өгөг­­чийн ашиг сонирхлын үүднээс албаны чиг үүр­гээ хэрэгжүүлээгүйн хариуд, эсхүл хэрэг­жүү­лэх­­гүй байхын тулд, эсхүл гүйцэтгэх ёсгүй үйлд­­лийг хийсэн, эсхүл хийхийн тулд шууд, эс­­хүл бусдаар дамжуулан хахууль авсан” гэх үндэслэлээр яллах дүгнэлт үйлдсэн байна.

Харин “Гэрэлт хүрэх оргил” ХХК-ийн захирал А.Хашбалд мөн хуулийн 22.5-1 дэх хэсгийн “Өөртөө, бусдад давуу байдал бий болгох зо­рил­гоор бусдад албаны чиг үүрэг, бүрэн эрх, албан тушаалын байдалтай нь холбогдуулан эд зүйл өгсөн” хэмээн яллах дүгнэлт үйлдэж Чин­гэлтэй дүүргийн Эрүүгийн хэргийн анхан шатны шүүхэд шилжүүлжээ. Уг хэргийг дээрх шүүхийн ерөнхий шүүгчээр томилогдоод удаа­гүй байгаа Б.Халиун хянан урьдчилсан хэлэл­цүүлгийн хурлыг нь хийгээд нэмэлт ажиллагаа хийлгэхээр буцаахаар шийдвэрлэв.

---