Шинэ Зеландын 17 настай Патрик Купер тоглоомын талбайн савлуур дээр 36 цагийн турш тасралтгүй савлаж, Гиннесийн дээд амжилтыг эвджээ.

Тус улсын Хавкс Бэй бүсийн оршин суугч Купер өнгөрсөн долоо хоногийн бямба гарагийн өглөөний 10:23 цагт цэцэрлэгт хүрээлэнгийн тоглоомын талбайн савлуур дээр суусан бөгөөд ням гарагийн 22:23 цаг хүртэл савлуурдсан байна. Тэрээр дэлхийн дээд амжилтыг эвдэх оролдлогоо өглөөний 09:00 цагт эхлэхээр төлөвлөөд байсан ч сэрүүлгээ сонсолгүй унтсаныхаа улмаас хожимдож эхэлсэн гэж хошигнон ярьжээ.

Купер энэхүү оролдлогынхоо бичлэгийг бүрэн эхээр нь Гиннесийн хороонд илгээсэн бөгөөд тус холбооноос түүний шинэ дээд амжилтыг албан ёсоор хүлээн зөвшөөрөхийг хүлээж байгаа аж. Одоогийн дээд амжилтыг мөн Шинэ Зеландын иргэн Эйми Пивот эзэмшдэг бөгөөд тэрээр 2013 оны аравдугаар сард савлуур дээр 32 цаг 2 минут 3 секундийг өнгөрөөн, Гиннесийн номын дээд амжилтыг тогтоож байжээ.

Патрик Купер түүнчлэн энэ оролдлогоороо дамжуулан "Starship" эмнэлэгт 1,600 гаруй ам.долларын хандив цуглуулсан байна.

Эх сурвалж: UPI

---