Тайландын Ерөнхий сайд Прают Чан Оча  хэвлэлийн бага хурлын үеэр сэтгүүлчид рүү гар ариутгагч цацжээ. Хэвлэлийн хурлын төгсгөлд сэтгүүлчид Ерөнхий сайдаас Засгийн газрын танхимын халгаа сэлгээний талаар асуусан байна.

Энэ үеэр Чан Оча “Ерөнхий сайд хамгийн түрүүнд энэ талаар мэдэх ёсгүй биз дээ, тиймээс асуух шаардлагагүй” хэмээн дургүйлхэж хариулжээ. Урьдчилан бэлдээгүй асуултад дурамжхан хариулсныхаа дараа Ерөнхий сайд гар ариутгагч авч сэтгүүлчид рүү цацаж эхэлсэн байна.

Тэрээр 2014 онд гарсан цэргийн эргэлтээс хойш Тайландын Ерөнхий сайдын албан тушаалыг хашиж байна. Хэвлэлийн хурал дээр сэтгүүлчдэд зүй бус хандлага гаргаж байгаа анхны тохиолдол нь энэ биш юм.

Прают Чан Оча урьд өмнө камерын өмнө сэтгүүлчийн толгойг зөөлөн алгадаж, чихнээс нь зулгааж байсан бөгөөд сэтгүүлчдийн асуултад хариулахдаа өөртэйгээ ижил хайчилбараа ашиглаж байсан удаатай.

Эх сурвалж: ВВС

---