Хятадын Коммунист намын сонинд улс орны хөгжин цэцэглэлт, бүтээн байгуулалтад хамгийн их хувь нэмэр оруулсан 100 гишүүнээ хүндэтгэн нэрлэжээ. Тэдний дунд их гүрний хамгийн том цахим худалдааны сүлжээ Алибабаг үүсгэн байгуулагчдын нэг, хөрөнгө оруулагч хандивлагч Жэк Ма багтсан нь өрнөдийнхний анхаарлыг татав.

400 тэрбум ам.долларын үнэ цэнэтэй цахим худалдааны компанийн захирал намын гишүүнчлэлээс ангид гэдгээ хэд хэдэн удаа зарлаж байжээ. Нөгөө талаар Хятадын дарга Си Жинпин анх удаа төрийн бус хувийн хэвшлийн бизнесийн байгууллагын манлайлагчийг намдаа элсүүлснээ төрийн мэдлийн сувгаар дамжуулсан явдал гэж өрнөдийн хэвлэлээр бичиж байна.

Жэк Ма өнгөрсөн есдүгээр сард Алибабаг орхих болсноо албан ёсоор мэдэгдсэн.  Үүний дараахан Хятадын Коммунист нам өдөр ирэх бүр эрх мэдэл, хүч нөлөөгоо тэлсээр байгааг харуулсан үйл явдал боллоо гэж өрнөдийн хэвлэлүүд бичиж байна. Тэрээр хэзээ намд элссэн, элсээд хэр удаж байгаа нь хараахан мэдэгдээгүй байгаа аж.

Коммунист намын гишүүдийн баримталдаг дүрэм бол намын эрх ашиг бүхнээс дээгүүр байх ёстой. Жэк Ма намын гишүүнчлэлээ ил тод болгосноор АНУ-д үйл ажиллагаа явуулдаг Хятадын компаниудыг сэрдэх хардлага улам бүр нэмэгдэж байна. Дэлхий даяар аалзны тор шиг сүлжсэн Хятадын компаниуд аль хэдийн гадны Засгийн газруудын хяналтанд ороод байгаа. Тэднийг Коммунист намын эрх ашгийн төлөө Засгийн газартай холбоотой ажиллаж байж болзошгүй хэмээн сэрдсээр ирсэн.

Хятадын эрх баригч нам 90 сая гишүүнтэй, гишүүн бүр сар бүрийн орлогынхоо хоёр хувийг намдаа тушаах үүрэгтэй.

TENCENT компанийн гүйцэтгэх захирал Пони ма, BIDU-ын захирал Робин Ли зэрэг Хятадын шилдэг бизнес эрхлэгчид намын харьяаллаас ангид гэдгээ мэдэгдээд байгаа юм.

 

Эх сурвалж: www.cnn.com, www.bbc.com  

---