Монголын Үндэсний Олимпын Хороо үүсэн байгуулагдсаны түүхт 65 жилийн ой тохиож байна.
Монгол Улсад 1956 онд МҮОХ үүсгэн байгуулагдаж, монголын баг тамирчид 1964 оны Инсбрукийн өвлийн XI, Токио-1964 зуны XVIII олимпийн их наадам анх удаа оролцож байжээ. Улмаар Мехико 1968 олимпын наадмаас монгол тамирчид чөлөөт бөхийн төрлөөр анхны медалиудаа /нэг мөнгө, гурван хүрэл/ хүртсэн байдаг. Тэр цагаас хойш манай улсын 25 тамирчин олимпын наадмаас хоёр алт, 10 мөнгө, 14 хүрэл медаль буюу нийт 26 медаль хүртсэн бахдам амжилт гаргаад байна.
Тэгвэл Монгол тамирчид олимпын наадмаас анхны алтан медалиа хүртэхдээ хосоор нь хүртэж байлаа. 2008 оны Бээжингийн олимпын наадамд жүдо бөхийн төрлөөр Хөдөлмөрийн баатар, МУГТ Н.Түвшинбаяр, боксын спортоор Хөдөлмөрийн баатар, МУГТ Э.Бадар-Ууган нар хүртсэн баярт мөч саяхан мэт санагдаж байна.
57 жилийн тэртээ монгол тамирчид анх удаа олимпын наадамд оролцож байсан түүхт Токио хотноо өрсөлдөх бүх тамирчдадаа амжилтын дээдийг хүсэхийн сацуу МҮОХ-ны хамт олонд баярын мэнд дэвшүүлье.
