Эквадор улсын гурван хотын шоронд үймээн самуун дэгдэж, 62 хоригдол нас баржээ. Үймээн самуун өрсөлдөгч гэмт хэргийн бүлэглэлүүдийн мөргөлдөөн болон оргон зайлах оролдлогын улмаас дэгдсэн гэж эрх баригчид өнгөрөгч мягмар гарагт мэдэгджээ.

Одоогоор орон нутгийн 800 цагдаагийн газар хорих ангиудыг эргээд хяналтад авах ажилд туслалцаа үзүүлж байгаа гэж холбогдох хорих ангиудын Захирал Эдмундо Монкайо мэдээлсэн юм. Мөргөлдөөн даваа гарагийн орой эхэлснээс хойш шуурхай албаны хэдэн зуун офицер томилогдон ажиллаж байгаа аж.

Монкайогийн хэлснээр гэмт хэргийн хоёр бүлэглэл хорих ангиудын доторх гэмт хэргийн үйл ажиллагааны манлайллыг олж авахыг зорьж байжээ. Эквадорын Ерөнхийлөгч Ленин Морено Батлан хамгаалах яаманд хандан, шоронгийн гаднах бүсэд галт зэвсэг, сум, тэсрэх бодисын эсрэг хатуу хяналт тавихыг үүрэг болгосон байна.

Эквадор улсад сүүлийн жилүүдэд шоронгийн үймээн самуун ихээр гарах болж, олон хүн амиа алджээ. Тус улсын хорих ангийн байгууламжууд 27,000 орчим хоригдолд зориулагдсан боловч 38,000 орчим хоригдол байрладаг байна.

Эх сурвалж: Associated Press

---