АНУ-ын шүүх БНАСАУ-ын гурван иргэнийг дэлхийн дахинд үйл ажиллагаа явуулдаг бизнесийн байгууллагууд, банкуудаас нийт 1,3 тэрбум ам.долларыг хулгайлсан болон дээрэмдсэн хэрэгт буруутган ялласан тухай эх сурвалжууд мэдээлжээ.

Пак Жин Хёк, Жон Чан Хёк, Ким Ир нар нь Умард Солонгосын нутаг дэвсгэрт байгаа гэж үзсэн тул баривчлан саатуулаагүй ба цахим мөнгөнийн системүүдэд вирус тарааж хакердсан хэрэгт буруутгаж байна. Умард Солонгосын иргэдээс гадна Канад-Америкийн нэг иргэнийг мөнгө угаасан хэрэгт буруутган ял оноохоор болжээ.

Дээр дурдагдсан этгээдүүд нь 2017 онд Их Британи даяар үйлчилдэг эрүүл мэндийн системийг доголдоход хүргэсэн Ваннакри цахим халдлагад оролцсон гэж мөн үзэж байна.

АНУ-ын Үндэсний аюулгүй байдлыг Ерөнхий прокурорын туслах Жон Демерсийн үргэлжлүүлэн мэдээлснээр яллагдагчдын нэг Пак Жин Хёк нь өмнө нь 2014 онд Sony Entertainment Pictures -ийг хакердесан хэрэгт холбогдож хоёр жилийн өмнө  ял сонсож байжээ. АНУ-ын Хуульзүйн яам Умард Солонгосын иргэдийг Умард Солонгосын цэргийн тагнуулын агентлаг болох Тагнуулын Ерөнхий Товчоонд ажилладаг гэж үзжээ.

Демерс Умард Солонгосын нууц ажилтнууд галт зэвсэг ашиглахаас илүү компьютер ашиглаж цахим хулгай хийж байна хэмээн мэдэгдсэн байна.

Эх сурвалж: ВВС

---