Эрүүл мэндийн яамнаас коронавируст халдварын тоон мэдээллийг хүргэж байна. 2021 оны хоёрдугаар сарын 7-ны өдөр улсын хэмжээнд 12252 хүнд  PCR шинжилгээ хийхэд  50 хүнээс коронавирус илэрлээ. Халдвар бүгд Улаанбаатарт бүртгэгдсэн. Халдвар авсан иргэдийн хавьтал болон сайн дурын шинжилгээ өгөх цэгүүдэд ирсэн иргэдээс коронавирус илэрсэн хэмээн ХӨСҮТ-ийн Тандалт судалгааны албаны дарга А.Амбасэлмаа мэдээллээ. 

Ингэснээр Монгол Улсын хэмжээнд бүртгэгдсэн коронавируст халдварын нийт тохиолдол 2,073 боллоо. Үүнээс өнөөдрийн байдлаар 1,493 хүн эдгэрээд байгаа бол 567 хүн эмчлэгдэж байна.

Халдварын голомтолсон хүрээ үргэлжилж байна:

• Монгол шир ХК 54
• Гутлын цехтэй холбоотой 32
• СХД-т байрлах Худалдааны төв 28
• ББСБ 46 халдварын голомтолсон хүрээ үргэлжилж байна.

Коронавирусийн халдвар батлагдсан хугацаа урт хугацаанд үргэлжилдэг тул нэг хүн халдвар авлаа гэхэд ойрын хавьтагч нартаа халдвар тарааж байна. Манай улсын хувьд 90 гаруй хувь нь батлагдсан тохиолдлын ойрын хавьтагч нараас илэрч байна. Халдвар авсан иргэдийн 94 хувь нь ойрын хавьтагч нараас халдвар авсан нь батлагдсан. Тэгэхээр гэр бүлийн хүрээнд болон аж ахуйн нэгжүүд халдвар хамгааллын дэглэмээ чанд сахихыг анхааруулж байна. 

Нийслэлийн таван дүүрэгт 10 гаруй голомт өндөр идэвхжилтэй байна: 

---