ОХУ-ын "Спутник V" вакцин нь хоёр жил гаруйн турш коронавирусийн эсрэг дархлаа тогтооно гэж тус вакциныг хөгжүүлэгч Гамалей судалгааны хүрээлэнгийн тэргүүн Александр Гинцбург өнгөрөгч мягмар гарагт болсон хэвлэлийн бага хурлын үеэр мэдэгджээ.

Тэрээр "Бидний хөгжүүлсэн вакцин хэдэн сар, нэг жил байтугай дор хаяж хоёр жил ба түүнээс дээш хугацаанд дархлаа тогтоож чадна гэдэг нь клиникийн туршилтуудын үр дүнгээр батлагдсан. Вакцины дархлааны хугацааг бид үргэлжлүүлэн судлах болно" хэмээн тэмдэглэжээ. Гинцбург мөн хамгийн сүүлийн судалгаагаар "Спутник V" вакцины найдвартай байдал болон аюулгүй байдлыг дахин батлагдсан гэдгийг онцолсон байна.

Үүнээс хэд хоногийн өмнө дэлхийн хамгийн эртний бөгөөд нэр хүндтэй анагаах ухааны сэтгүүлүүдийн нэг болох "The Lancet" тус вакцины гуравдугаар шатны клиник туршилтын урьдчилсан үр дүнг нийтлэн, вакцины өндөр үр нөлөө болон аюулгүй байдлыг баталгаажуулсан. Тодруулбал, "Спутник V" вакцины үр дүн 91.6 хувьтай байсан бөгөөд 60-аас дээш насны сайн дурынхны дунд 91.8 хувийн үр дүнтэй байсан байна.

Эх сурвалж: TASS

---